Gjykata e Tiranës ka marrë vendimin për të dënuar me 18 muaj burg shtetasin turk, Selami Simsek. Për shkak të gjykimit të shkurtuar, Simsek do të qëndrojë vetëm 12 muaj në qeli.
Ai u arrestua 5 muaj më parë në aeroportin e Rinasit nga ku planifikonte të udhëtonte drejt Kanadasë. Por gjatë verifikimeve ka rezultuar se dokumentet kanadeze ishin të falsifikuara dhe për këtë arsye do të qëndrojë 1 vit në burg.
Selami Simsek kërkoi më 8 janar azil politik në Shqipëri për shkak se i frikësohej kthimit në Turqi. Atje, Simsek konsiderohet anëtar i Lëvizjes Gylen, organizatë e shpallur terroriste nga Qeveria.
Selami Simsek u ndalua së bashku me shokun e tij, Harun Çelik, por ky i fundit u ekstradua pak ditë më parë në Turqi, vendim që është kundërshtuar nga disa institucione dhe organizata evropiane.
