Roger Federer mbetet ende një nga yjet më të mëdhenj të sportit të tenisit. Duket se zvicerani nuk i njeh vitet që ka mbi shpinë dhe vazhdon të shkëlqejë në çdo debutim të tijin. Federer ka bërë një tjetër paraqitje të lakmueshme në ndeshjen maratonë me pesë sete ku fitoi 3-2 ndaj Sandgren dhe siguroi gjysmë finalen e Australian Open.
Ylli fitoi setin e parë, por në të dy setet e tjera rezultati u përmbys, për t’u rikthyer sërish në të katërtin, ku arriti t’i merrte triumfin Sandgren. Ndërsa në setin final ish raketa numër një në botë fitoi me rezultatin 6-3.
Roger arriti që të kualifikohej në gjysmë finalen e turneut të parë të Grand Slam,ku do përballet me Novak Djokovic. Kjo mund të cilësohet edhe si një finale e parakohshme ku vendosen përballë për herë të 50-të dy nga emrat më të mëdhenj të tenisit në botë.
Edhe turneu i Australian Open për femra nuk pati surpriza, ku kalimin e parë për në gjysmë finale e siguroi Ashleigh Barty, raketa numër një e botës, e cila mundi 2-0 me sete çeken Petra Kvitova./Fjala.al/
