Kryeministri Edi Rama me anë të një statusi në Facebook, ka deklaruar se gjatë takimit me kancelarin Merkel ka diskutuar për herë të parë në lidhje me njohjen e patentave të drejtimit në shtetin Gjerman.
Rama ka bërë të ditur se procedura në lidhje me njohjen e patentave shqiptare do të nisë në muajin shkurt dhe do të fillojë duke bërë një raport, i cili do të kryhet nga një mision i ministrisë së Transporteve të Gjermanisë.
Ai nuk ka lënë pa përmendur edhe njohjen e patentave në Greqi duke deklaruar se pritet ta miratojë në Parlament javën që vjen.
Statusi i Ramës:
Meqënëse disa miqve këtu u ka kaluar pa e vënë re përmbledhja e djeshme nga Berlini dhe vijojnë përsërisin kërkesën për njohjen e patentave të drejtimit në Gjermani, ju informoj të gjithëve se e kam biseduar këtë kërkesë, zyrtarisht të kahershme në fakt, por për herë të parë drejtëpërdrejtë me kancelaren dje. Dhe në shkurt vjen një mision nga ministria e Transporteve të Gjermanisë, për të bërë një raport në funksion të procedurës që do të kryhet nga qeveria federale për njohjen e patentave?????
Nga ana tjetër, meqë jemi tek kjo temë, jemi njoftuar po dje nga qeveria greke se në javët në vijim do të hyjë në procedurën e Parlamentit të Greqisë njohja e patentave shqiptare të drejtimit, siç është dakordësuar në tryezën e dialogut mes dy shteteve tona?????/Fjala.al
