Një magazinë është përfshirë nga flakët në lagjen “Shënkoll”, në Elbasan, orëve të vona të mbrëmjen së djeshme. Magazina është në pronësi të Leonard Mustafait. Policia se nga flakët nuk ka patur persona të lënduar, por vetëm dëme të konsiderueshme materiale.
Mësohet se, materiali i djegur nga zjarri përdorej për tapiceri. Në vendngjarje ka mbërritur policia dhe zjarrfikësja, e cila ka bërë të mundur shuarjen e flakëve. Bëhet me dije se, dëmi i shkaktuar nga flakët në magazinë arrin vlerën e mijëra eurove.
Ende nuk dihen shkaqet. Dyshimet e para flasin për një shkundi elektrike po ende nuk bëhet e qartë. I zoti i magazinës ka mohuar të kishte konflikt me ndonjë person, çka policia fillimisht nuk e ka përfshirë në hetime pistën e zjarrvënjes së qëllimshme.
Zjarri, në fakt, prej muajsh është kthyer në një kërcënim serioz jo vetëm për dyqane, banesa, e magazina po edhe për jetët e njerëzve. Janë një sërë shkaqesh të cilat rrallë analizohen që shkaktojnë zjarret kryesisht nëpër shtëpi po asnjëherë shteti nuk ka ngritur një mekanizëm që të ndërhyjë kryesisht tek bombat e gazit.
Një tjetër shqetësim dhe kërcënim serioz për jetët e njerëzve janë edhe instalimet nëpër banesa. Një shkëndijë elektrike gjithnjë është rrezik, edhe pse asnjë institucion përgjegjës nuk ngre zërin për cilësinë e dobët të materialeve elektrike e kryesisht përcjellësve, që në vendin tonë janë të gjithë problematik. n.k./Fjala.al/
