Policia e Kosovës ka vijuar të nxjerrë të dhëna në lidhje me sulmin e paprecedentë që ka ndodhur ndaj një skuadre policore mbrëmë në Zhur të Prizrenit. Është bërë publike fotoja e autorit të dyshuar të ngjarjes dhe e punonjësit të policisë i cili ndërroi jetë në vend nga shpërthimi i telekomanduar.
Policia bën me dije se e ka arrestuar shtetasin I. Badalli, i cili ishte edhe personi që dyshohej se posedonte drogën dhe që ka krye shpërthimin vrasës për policinë.
Tashmë hetimet janë përqendruar në një sërë pistash, ndërkohë saktësohet se dy policët e plagosur dhe fëmija janë jashtë rrezikut për jetën
Mbrëmë për ngjarjen e rëndë ka reaguar edhe Hashim Thaçi duke e konsideruar aktin e shëmtuar dhe kriminal. Ai urdhëroi menjëherë zbardhjen e ngjarjes dhe të rrethanave të atij krimi monstruoz. n.k/Fjala.al/
