Beteja ligjore midis klubit të Cardiff dhe Nantes nuk ka mbaruar ende, ndonëse ka kaluar plot një vit nga vdekja në aksidentin tragjik e lojtarit argjentinas Emiliano Sala.
Të dyja skuadrat akuzojnë njëra-tjetrën për pjesën financiare, kjo pasi kalimi i sulmuesit nga Ligue 1 te Premier League u ndërpre në mënyrë fatale.
Klubet kishin rënë dakord që kalimi i lojtarit të shkonte në shifrën e 30 milionë eurove, por gjatë udhëtimit të Salas për te klubi i ri avioni u rrëzua në ngushticën e Le Mans, duke shkaktuar vdekjen e tij dhe të pilotit, David Ibbotson. Pas përballjes para drejtësisë sportive dhe pritjes së vendimit të KAS, kanë dalë disa padi të tjera.
“L’Equipe” raporton se Cardiff ka ngritur padi kundër një pale anonime për të verifikuar përgjegjësinë e klubit të Nantes, presidentit dhe pronarit të tij në operacionin për transferimin e Emiliano Sala, që solli edhe vdekjen e lojtarit.
Kjo padi është ngritur mbi disa faktor të konsideruar si “shqetësues” mbi organizimin e udhëtimit dhe avionit që u përfshi në aksidentin fatal./Fjala.al/
