Kandidati për kryeministër në Kosovë ka kërkuar seancë plenare për votimin e qeverisë së re.
Pritet që kryesia e kuvendit të mblidhet ditën e premte me në orën 9:00 në sallën C 301.
“Kërkesa e kandidatit për Kryeministër, z. Albin Kurti, për thirrjen e seancës plenare të Kuvendit për votimin e përbërjes së Qeverisë së Republikës së Kosovës”, thuhet në njoftim e shpërndarë për mediat.
Ndërkohë Kurtit i kanë mbetur edhe 4 ditë nga afati kushtetues për formimin e qeverisë – kur ai ka refuzuar çdo parti tjetër shqiptare përveç LDK-së, derisa sot takohet me Listën Serbe.
Vetvendosja dhe LDK ende nuk kanë arritur marrëveshje për koalicionin qeverisës, për shkak të mos pajtimeve rreth postit të kryeparlamentarit dhe atij të presidentit.
