Nuk ka drogë, por ka skafe droge! Kështu ndodh edhe kësaj here në Vlorë. Në pyllin e Sodës, mëngjesin e sotëm, policia ka gjetur një skaf të braktisur.
Në fakt kanë qenë informacionet që kanë ardhur nga peshkatarët të cilët e kan shquar mjetin e panjohur në brigjet e Pyllit të Sodës, është vendi ku prej 5 vitesh aty gjenden ose thasë droge, ose mjete të parkuara të gatshme për rrugë.
Policia në një njoftim paraprak tregoi se: Një skaf i braktisur është gjetur mëngjesin e sotëm në zonën e Plazhit të Vjetër në Vlorë. Dyshohet se skafi është përdorur ose do përdorej për trafik droge. Mësohet se skafi i gjatësisë 9-10 metra është i pajisur me tre motorë.
Pas kontrollit paraprak në skaf nuk është gjetur asgjë, ndërsa po vijojnë hetimet për të zbuluar rrethanat që e kanë sjellë në bregdetin e Vlorës pranë pyllit të Sodës.
Policia thotë se ka nisur punën për të verifikuar se nga ka dalë ai mjet aty dhe se po kërkohen drejtuesit ose pronarët e tij. n.k/Fjala.al/
