Biznesmeni Jack Ma, i cili njihet ndryshe si njeriu më i pasur në Kinë ka dhuruar 12 milionë dollar për të ndihmuar kërkimet shkencore për të gjetur një vaksinë kundër virusit që ka marrë 170 jetë njerëzish dhe ka infektuar 7000 persona.
Lajmin e ka bërë të ditur fondacioni i tij me anë të një postimi në faqe, ku thuhet se fondet do të përdoren për të mbështetur institucionet shkencore vendase dhe të huaja në mënyrë që të gjejnë sa më parë një vaksinë kundër këtij virusi vdekjeprurës.
Ndërkohë disa ditë më parë kompania kineze Alibaba , cila është e specializuar në tregtinë elektronike, ka dhuruar për të ndihmuar ndërtimin e spitalit në Wuhan dhe në provincën Hube 144 milion dollarë.
Numri i vdekjeve nga coronavirus, në Kinë ka shkuar 170, ndërsa numri i të prekurve ka arritur 7,711 në të gjithë vendin./Fjala.al
