Gjykata e Vlorës ka caktuar masën e arrestit me burg për Igli Memaj, i cili në bashkëpunim me persona të tjerë ka kryer atentatin për ekzekutimin e Inez Hajrullës 10 maj të 2019 ne Vlorë.
Mendohet se Memaj është një nga 8 anëtarët pjesëmarrës së atentatit ku tre prej tyre mendohet të jenë Fatmir Hyseni,Gentian Dauti dhe nipi i Cipurit.
Igli Memaj u ekstradua nga Italia para 3 ditësh ndërsa qëndronte prej 8 muajsh në arrati.
Sipas deklaratës së tij të dhënë në Gjykatë, nuk kishte asnjë njohje me viktimën Inez Hajrulla dhe se emrin e tij e kishte dëgjuar për herë të parë në televizor.
“Skam as njohje as konflikte me Inez Hajrulla. Për mua kjo akuze është një surprizë që më keni bërë. Jam i pastër dhe nuk jam i implikuar në ketë ngjarje kriminale.”, -është shprehur ai./Fjala.al
