Kreu i LSDM-së, Zoran Zaev në paraqitjen e tij të sotme në Tetovë tha se partia e tij është e gatshme për koalicion parazgjedhor me një parti politike shqiptare për shkak se, siç tha ai, kjo parti nuk ka paragjykime.
Zaev herën e fundit arriti të fitojë falë koalicionit me partinë shqiptare BDI të Ali Ahmetit. VMRO- DPMNE mori 51 mandate, kurse LSDM 49 por bashkë me 10 mandatet e BDI formuan qeverinë.
“Për ne ajo mundësi është e hapur, kemi mundësi me të gjithë, fillimisht me partnerin tradicional që jemi në Qeveri kemi bisedime, kemi bisedime edhe me partitë opozitare.
Kur flas për BDI-në, flas edhe për Alternativën dhe PDSH-në që janë pjesë e Qeverisë, në koalicionin tonë, por kemi komunikime të hapura edhe me Besën dhe Aleancën për shkak se bashkë votuam për ndryshimet Kushtetuese, bashkë e votuam ligjin për përdorimin e gjuhëve, bashkë votuam një pjesë të reformave, në të mirë të shtetit“, tha Zoran Zaev, kryetar i LSDM-së..
