Eksperti mjekësor i koronavirusit në Kinë ka dalë publikisht për t`i mësuar opinionit publik kinez dhe mbarë botëror se si të vendosin maskat e fytyrës në mënyrën e duhur, për ta shmangur kontraktimin me virusin.
Dr Zhong Nanshan, i cili i ndihmoi vendit për të trajtuar epideminë SARS më 2003-ën, u bëri thirrje banorëve që gjithmonë të heqin maskën kirurgjike nga njëra anë e veshit, pastaj tjetra.
Kështu, ai e bëri të ditur prerazi se maska nuk duhet të hiqet me duar nga pjesa e përparme.
‘Pjesa e përparme e maskës veçse mund të jetë e kontaminuar’ tha specialisti 83-vjeçar.
Dr Zhong është udhëheqësi i një ekipi ekspertësh mjekësor, të caktuar nga Komisioni Kombëtar i Shëndetit në Kinë për t’u marrë me koronavirusin e ri, i cili ka vrarë dhjetëra njerëz në vend dhe ka infektuar më shumë se 8,280 prej tyre në të gjithë botën.
Ai është gjithashtu kreu i Shoqatës Mjekësore Kineze. n.k/Fjala.al
