Lëvizja Vetëvendosje dhe Lidhja Demokratike i kanë tejkaluar pengesat dhe pritet të zyrtarizojnë marrëveshjen për Qeverinë e re. Gazeta Express raporton se Glauk Konjufca i VV-së do të tërhiqet nga posti i kryeparlamentarit dhe do të marrë post ministri në Qeveri.
Ndërkohë, në krye të Kuvendi do të emërohet Vjosa Osmani nga LDK, e cila udhëhoqi edhe fushatën elektorale.
Negociatat midis VV dhe LDK vijojnë prej 118 ditësh, por ngërçi i fundit ishte krijuar mbi postin e kreut të Kuvendit.
Edhe Lutfi Haziri, një prej figurave kryesore të LDK-së, deklaroi më herët se ishte optimist dhe po bëheshin përpjekje intensive për arritjen e marrëveshjes me partinë e Albin Kurtit.
