Është bërë e mundur të shpëtohet jeta e 18 personave të cilët kanë zgjedhur trafikantët shqiptar për të kaluar në Perëndim.
Policia bën me dije se një skaf me 18 klandestinë marokenë, sirian e palestinezë, që rrezikonte të mbytej, është shpëtuar nga policia shqiptare në derdhjen e Shkumbimit.
Refugjatët kishin si synim të arrinin në Itali, por nuk kanë mundur, pasi mjeti lundrues pësoi defekt dhe u detyruan të lëshonin sinjalin SOS për ndihmë.
Roja Bregdetare u nis nga Durrësi dhe u shkoi në ndihmë dhe i evakuoi ata. Ka qenë vetë skafisti që ka dhënë sinjalin për të bërë të mundur thirrjen e ndihmës.
Tashmë Policia po punon për të zbuluar këtë skemë trafiku klandestinësh, që në fakt nuk është e re dhe se policia nuk e ka për herë të parë përballjen me ta. Prokuroria pritet të nis hetimet ndërsa ende nuk dihet se kush është personi që drejtonte skafin. n.k/Fjala.al/
