Lëvizja Vetëvendosje nuk e ka konfirmuar mbrëmjen e sotme arritjen e një marrëveshjeje për Qeverinë me Lidhjen Demokratike.
Arlind Manxhuka, zëdhënës për mediat në këtë forcë politike, thotë se komunikimet me LDK-në janë intensifikuar orët e fundit dhe se publiku do të njoftohet sapo të ketë një marrëveshje.
“Kur kanë mbetur vetëm edhe 40 orë deri te seanca e Kuvendit të Kosovës për qeverinë Kurti, sigurisht se kemi inflacion hamendësimesh e spekulimesh. Komunikimi, konsultimet dhe takimet midis LVV dhe LDK janë intensifikuar në këto orë të fundit. Lëvizja Vetëvendosje do të njoftojë publikun dhe anëtarësinë sapo të ketë marrëveshje”, shprehet ai.
E ndonëse nuk konfirmon arritjen e marrëveshjes, Vetëvendosje as nuk ka përgënjeshtruar raportimet mediatike se ngërçi me LDK-në është tejkaluar.
Glauk Konjufca raportohet të jetë tërhequr nga posti i kryeparlamentarit, pozitë që i do kalojë partisë së Isa Mustafës.
Përfundimtare/ Arrihet marrëveshja VV-LDK, Kosova të hënën me qeveri të re
