Zbardhet axhenda e vizitës së presidentit të Parlamentit Evropian në Tiranë. David Sassoli do të jetë në Tiranë në datat 3-4 shkurt dhe do të takojë përfaqësuesin e BE-së në vendin tonë, kreun e Qeverisë, kreun e Parlamentit, Presidentin, kreun e PD-së dhe LSI-së.
Presidenti i Parlamentit Europian David Sassoli do të zhvillojë një vizitë zyrtare në Tiranë në datat 3-4 shkurt.
Kjo pritet të jetë axhenda e tij gjatë qëndrimit në vendin tonë.
Më 3 shkurt
Në orën 11:00 do të ketë takim me ambasadorin e BE në Tiranë, Luigi Soreca.
Në orën 11:30, Sassoli do të takohet me Kryeministrin e vendit, Edi Rama. Pas takimit Rama dhe Sassoli në orën 12:15 do të mbajnë një konferencë të përbashkët për shtyp në mjediset e Kryeministrisë.
Në orën 14:45 Sassoli do të takohet me Kryetarin e Kuvendit, Gramoz Ruçi dhe kryetarët e Grupeve Parlamentare.
Në orën 15:15 Sassoli do të mbajë një fjalë në seancën plenare.
Në orën 16:00 takim me Presidentin Ilir Meta.
Më 4 shkurt
Në orën 10:45 Sassoli do të ketë një takim me kryedemokratin Lulzim Basha dhe Kryetaren e LSI-së, Monika Kryemadhi në selinë e PD.
