Vazhdojnë hetimet për gjetjen e trupit të pajetë të Jan Prengës, i cili u rrëmbye dhe torturua deri në vdekje nga anëtarët e një bande. Kjo vrasje erdhi pasi u zhduk një sasi e madhe kokaine në Britaninë e Madhe.
Me vendim gjykate është sekuestruar resorti “Golde” pasi aty dyshohet se është vrarë 49 vjecari, ndërsa efektivët janë në kërkim të trupit. Sipas gjyqtarit Sokol Tona, trupi i Prengës ka gjasa të ketë përfunduar në lumin Erzen ose në vijën bregdetare nga Kavaja në Ishëm. Deri më tani janë firmosur rreth 11 urdhër arreste ndër, të cilët 5 janë arritur të gjenden ndërsa 6 të tjerë janë në kërkim.
Ish-kreu i Policisë së Shtetit, Ahmet Prençi ka komentuar pengmarrjen dhe vrasjen e Jan Prengës si një ngjarje që ndodh në filmat me kokainë në Kolumbi apo Ekuador.
“Grupet kriminale arritën një pakt për të punuar me njëra- tjetrën se ishin të qeta dhe e kam thënë se kur do të cenoheshin sado pak atëherë do të agravohej situata. Policia duhet t’i parandalojë pasi kjo e fundit ishte si nëpër filma, në Kolumbi dhe Ekuador, dhe në Shqipëri kjo do një vëmendje.”, – u shpreh ai./Fjala.al
