Avokat Spartak Ngjela nuk i ka dhënë mbështetje strukturës “Operacioni Forca e Ligjit”, e krijuar në kuadër të paketës antiKÇK, që synon goditjen e krimit të organizuar. Sipas Ngjelës, ligji nuk e njeh këtë strukturë dhe se ajo është krijuar për sfumuar SPAK-un.
Por ky qëndrim u kundërshtua nga zv/ministri i Brendshëm, Julian Hodaj, i cili ishte i pranishëm në emisionin “Open” në Top Channel së bashku me avokat Ngjelën.
“Ti se ke lexuar as aktin normative dhe nuk ke lexuar ligjin”, replikoi Hodaj me Ngjelën.
“Mos më ndërhy, ti nuk je askush. Të ka sjellë Edi Rama ty. Nuk je askush ti të bësh debat me mua”, u kundërpërgjigj Ngjela.
“Këta kanë punuar me mafian e ndërtimit. Çfarë bëjnë me këta, marrin 10 vetë i arrestojnë dhe me ato që kanë bashkëpunuar nuk i arrestojnë dot. Është stukturë e panevojshme që synon të sfumojë SPAK-un që të shpëtojnë veten”, vijoi ai.
“Por SPAK-u është krijuar. Ka kryetarin dhe 8 prokurorë brenda saj”, replikoi sërish Hodaj, ndërsa Ngjela iu përgjigj: “Nuk është institucionalizuar akoma se duhet të presë Byronë Kombëtare të Hetimit. Shko paguaj policët se i keni lënë në mëshirë të fatit. S’jam këtu për të bërë debat me ju.”
Deklarata në emision: “Nesër ka një operacion tjetër nga OFL”
