Sikur nuk mjaftojnë krimet në familje apo vrasjet për pazare, shqiptarët po i vret edhe depresioni ose krimi tjetër, që quhet vetëvrasje. Ndonëse ngjarja e rëndë vjen nga një familje shqiptare në Itali.
Në fakt Policia jonë asnjëherë nuk ka dhënë një shifër konkrete të këtyre vdekjeve brenda dhe aq më pak jashtë vendi. Sipas të dhënave nga mediet italiane mësohet se ngjarja ka ndodhur në zonën e Potenza-s në Picena, ku një shqiptar 59-vjeçar është gjetur i varur në banesën e tij. Alarmi është dhënë nga gruaja e tij, e cila e gjeti burrin të varur në mëngjes. Mjekët e urgjencës të mbërritur në vendngjarje nuk mundën të bënin asgjë përveçse të konstatonin vdekjen e burrit.
Gruaja, në gjendje të rëndë shoku për shkak të ngjarjes, u shtrua në spitalin e Civitanova Marche. Motivet që dërguan shqiptarin në aktin e vetëflijimit mbeten ende të panjohura, ndërsa mësohet se autoritete hetimore italiane kanë siguruar një sërë dëshmish në lidhje me shkaqet që e kanë çuar burrin në vetëvrasje. n.k/Fjala.al/
