Është një ngjarje e rëndë për të cilën kanë përfunduar hetimet dhe madje edhe gjykimet. Një burrë dhe një grua janë vënë nën akuzën e rëndë të vrasjes së një foshnjëje vetëm 8 muaj-she. Nëna e vet bashkë me mikun e saj janë personat përgjegjës për atë krim të rëndë ndërkohë që bëhet me dije se autori do të dënohet edhe me vdekje.
Sipas medieve, bëhet me dije se krimi makabër i ndodhur në Bjellorusi tregon një burrë 48-vjeçar që ka kryer aktin e tmerrshëm të vrasjes së një foshnje 8 muaj-she duke i këputur kokën. Dënimi i dhënë për bjellorusin që kreu këtë akt është ekzekutimi me vdekje me një plumb në kokë. Sipas të dhënave ai quhet Viktor Syarhel, mik i familjes, i cili ndodhej në banesë së bashku me nënën e vajzës dhe ishin duke pirë para se të ndodhte vrasja makabre. Dyshohet se vajza ka qarë duke iu prishur qetësinë e për pasojë edhe në pije e sipër ta ketë kryer aktin. Nëna e vajzës, Nataliya Kolb, 26 vjeç, është dënuar me 25 vjet burg si bashkëpunëtore në vrasje.
Vogëlushja është gjetur nga babai i saj i cili, kur u kthye në banesë me dy fëmijët e tjerë përkatësisht 4 dhe 6 vjeç, pa skenën horror, vajzën e tij pa kokë dhe vendin të mbushur në gjak. Siç dihet Bjellorusia është i vetmi shtet në Evropë që ende jep masë dënimi me vdekje për krime të rënda, madje duke përcaktuar edhe se me çfarë do të ekzekutohet personi! n.k/Fjala.al/
