Kryeministri i ri i Republikës së Kosovës, Albin Kurti merr ditën e sotme detyrën e tij e kreut të ekzekutivit.
Albin Kurti do të pritet nga ish-zëvendëskryeministri i parë, Behgjet Pacolli. Ky i fundit do t’i kalojë Kurtit detyrën e re, në mungesë të ish-kryeministrit Ramush Haradinaj.
Ceremonia pritet të mbahet rreth orës 11:00. Më pas Kurti pritet të thërrasë në një mbledhje ceremoniale edhe qeverinë e tij të re.
Kurti është u zgjodh kryeministër një ditë më parë nga Kuvendi i Kosovës, me 66 vota pro dhe 10 abstenime. Qeveria e tij do të ketë dy zëvendëskryeministra dhe 15 ministra.
