Shkencëtarët në Gjermani kanë zbuluar një test gjaku që mund të parashikojë mundësinë për vdekje në 10 vitet e ardhshme. Janë gjithsej 14 tregues në gjak që duket se ndikojnë në rrezikun për vdekje, pasi u morën në analizë të dhënat e 44 mijë njerëzve.
Këta tregues lidhen me gjithçka, që nga imuniteti deri tek kontrolli i glukozës, kolesterolit dhe inflamacioni. Pas kryerjes së një testi të këtyre treguesve, rezultoi që ato ishin 83% të saktë në parashikimin nëse dikush do të vdiste në 2-16 vitet e ardhshme.
Shkencëtarët shpresojnë që rezultatet e këtij studimi mund të çojnë në zhvillimin e një testi gjaku që një ditë mund të përdoret si udhëzues për trajtimin e pacientëve. Ekspertët e kanë cilësuar këtë studim si “hap nxitës”, megjithatë theksojnë që duhet të kryhen më shumë studime derisa ky test të mund të përdoret në “jetën reale”.
