Është një histori që mund të mësohet vetëm nëpër filma, por në fakt njerëzit e drogës arrijnë ta realizojnë kudo dhe kurdo. Kështu ka ndodhur me një grup shqiptarësh në një zonë të njohur të Italisë të cilët kishin përdorur bletët për të fshehur dhe koduar kokainën. Por sipas të dhënave ata nuk është se vetëm merreshin me drogë. Në shtëpinë e tyre janë gjetur edhe dy femra që mendohet se ishin të lidhura me anëtarët e grupit kriminal, 9 prej të cilëve ranë në pranga bashkë me vajzat që policia italiane i quan si të prostituara me dëshirën e tyre. Referuar medieve italiane të cilat kanë dhënë raportet policore për rastin mësohet se disa personat janë arrestuar gjatë muajve të kaluar, ndërsa dy të tjerë Konstant Racholli dhe Elvis Drunka janë vënë në pranga para dy ditësh.
Mediat italiane raportojnë se në kuadër të operacionit “Mjalti i Bardhë”, policia italiane ka mundur të godasë një bandë italio-shqiptare, drejtuesi i së cilës ishte një shqiptar 41-vjeçar me origjinë shqiptar. Në fakt, bletaria ishte vetëm për kamuflimin e trafikimit të drogës. Agjentët inspektuan disa koshere me bletë në zonën e La Spezia sepse dëgjuan anëtarët e grupit të flisnin për drogën e ruajtur diku. Kështu kokaina u gjet në shtëpinë afër fushës me koshere bletësh. Banda e trafikimit të drogës kishte marrë një shtëpi në zonën e Kinquale, e izoluar aq sa të ishte e qetë por e arritshme pa shumë vështirësi nga anëtarët e grupit. Në këtë shtëpi dy vajza ‘prostituonin’ veten e tyre, por nga ana tjetër dyshohet edhe të kishin lidhje dashurore me anëtarët e grupit.
Është identifikuar se drejtuesi i grupit është një shqiptar 41-vjeçar, i cili është përgjuar në një moment kur me ndihmën e interpretuesve, organizon mënyrën për të marrë drogën. Ai takohet me bashkatdhetarët e tij në Belgjikë dhe kontakton me ta pasi droga vinte nga Evropa Veriore dhe grupi e merrte atë dhe më pas e shpërndante në treg. Në goditjen e fundit policia arriti të gjejë dhe të sekuestrojë 1.5 kg kokainë konkretisht në vendin ku gjendeshin edhe ca koshere bletësh, të cilat mbaheshin nga grupi në oborrin e shtëpisë që kishin marrë me qira! n.k/Fjala.al/
