“Forcat e emergjencës kosovare ishin më të përgatitura sepse Kosova vjen nga lufta dhe janë ndihmuar nga NATO.”
Kjo ishte përgjigjja që ministri Bledi Cuçi, njëkohësisht drejtuesi qendror i zyrës Operacionale për Menaxhimin e Fatkeqësisë Natyrore, dha në emisionin “Përballë” në RTSH, kur u pyet për diferencat e theksuara midis dy shteteve në menaxhimin e situatës pas tërmetit të 26 nëntorit.
Ndonëse Shqipëria është vend anëtar i NATO-s dhe Kosova jo, kjo e fundit tregoi një performancë fantastike në ndihmë të vendit tonë, duke shpëtuar jetë njerëzish. Gjithsesi, ministri Çuçi theksoi se 85% e jetëve të shpëtuara ka ardhur nga forcat shqiptare të emergjencës, ndërsa pjesa tjetër nga ekipet e huaja.
