Organizata për Bashkëpunimin Islamik (OBI), ku edhe Shqipëria është anëtare, ka kundërshtuar planin e presidentit amerikan, Donald Trump, për zgjidhjen e konfliktit Palestinë-Izrael. Takimi u zhvillua në Jedah të Arabisë Saudite, dy ditë pas Liga Arabe kundërshtoi gjithashtu planin.
Në rezolutën e miratuar në fund të mbledhjes thuhet se Organizata “u bën thirrje të gjitha vendeve anëtare që të mos merren me këtë plan ose të bashkëpunojnë me administratën e SHBA-së në zbatimin e tij në çdo formë ”.
Trump deklaroi pak ditë më parë se plani i tij i nxjerr fitues të dyja shtetet, me palestinezët që konfirmojnë shtetin e tyre me kryeqytet Abu Dis, zonë pak kilometra larg Jeruzalemit. Por ky plan është kundërshtuar menjëherë nga Palestina, e cila kërkon Jeruzalemin Lindore si kryeqytet të sajin, ndërsa pretendon se plani i Trump i heq të drejtat mbi territoret në Bregun Perëndimor.
Ndërkohë, sa i përket rezolutës së Miratuar nga OBI, ende nuk ka një reagim nga Tirana zyrtare nëse e mbështet ose jo qëndrimin kundër planit të presidentit të SHBA-së.
