Dosja 339, e grupit të Shijakut, është një dosjet më të nxehta, të cilën prokuroria e Posaçme, SPAK e ka dërguar në gjykatë. Njëri prej anëtarëve të këtij grupi që akuzohen se kanë kryer trafik narkotikësh si dhe përpunim e magazinim droge në formën e posaçme të grupit të strukturuar kriminal, është edhe Saimir Gjepali.
Gazeta Fjala ka siguruar dosjen e Gjepalit ku figurojnë edhe përgjimet ndaj tij. Nga përgjimet rezulton se Gjepali porosit gruan e tij për zhdukjen e provave nga shtëpia, pasi policia kishte shkuar për kontroll.
Sipas dosjes së prokurorisë, në 16 qershor 2018, policia e Durrësit ka ushtruar kontroll tek banesa e Saimir Gjepali, njërit prej të pandehurve të dosjes 339 në Shijak, ku janë gjetur dhe sekuestruar me cilësinë e provës materiale, një sasi prej 149 gram lëndë narkotike e llojit kokainë, një peshore elektronike, dy armë automatik, një armë pistoletë, një armë gjahu, një pistoletë sportive, një sasi municioni, dhe një automjet i blinduar.
Nga metodat speciale të hetimit,nga përgjimi i bisedave të Saimir Gjepali që bën me familjarët e tij, ai i udhëzon që të hedhin lëndën narkotike dhe pistoletën që ai i mbante në banesën e tij, duke iu thënë që të mos e hapnin derën e dhomës, ku ndodheshin këto sende.
Më tej Gjepali porosit gruan e tij të quajtur “Nila” se nuk duhet të hapte derën e barakës pasi aty kishte dy automatikë kallashnikovi.
Për më tepër, Gjepali e porosit që dy kallashnikovët t’i hedhë tek pulat. Konkretisht më datë 16 qershor 2017, familjari i Saimir Gjepali, që identifikohet me emrin “Nila” ka telefonuar Gjepalin dhe mes tyre zhvillohet kjo bisedë si më poshtë vijon:
Nila: Hë Shaqe!
Gjepali: Alo!
Nila:Ka ardh policia kontroll ke sh ‘pia e re,janë t ‘u e hap derën e sh’pisë së re
Gjepali : Ç’a thu ti ere?
Nila:Ç’a bë bëj?
Gjepali: Mos ia hap, mos ia hap, mos e hap
Nila: Jo! Ç’a t’i them, ç’a t’i them?
Gjepali: S’kam! E ka burri çelësin thuj, a n’gjon?!
Nila: Po, po! Ejj, mos bëjnë kontroll këtu?
Gjepali: Ku ri?
Nila: Këtu ke sh’pija jonë,
Gjepali: Mos e hap, derën fare Nila. Hajt
Nila: Ke sh’pija jonë që jena këtu
Gjepali: Kush është aty, kush është? Ç’a policie është?
Nila: Janë një tufë me maska, dy fugona
Gjepali: Ç’a thu ti ere?!!! Hajt
Nila: Ç’a të bëj këtu ke sh’pia jonë, ç’a të bëj kë sh’pija jonë?
Gjepali: Si?
Nila: Ç’a të bëj këtu ke sh’pia jonë?
Gjepali: S’ke ç’a me bo asgjë Nila, mbyll derën e dhomës aty përjasht, merr ke një pistoletë atje sipër asaj…,
Nila: Ku, ku, ku?
Gjepali:…sipër minibarit, kape hudhe andej nga Siriu, hë
Nila: Ku, ku, ku?
Gjepali: Sipër minibarit, hudhe nga Siriu, hë, hajt!
Nila: Po, po
Gjepali: Hajt ”.
Ndërkohë po në datën 16 qershor 2017 mes Saimir Gjepalit dhe shtetases “Nila” zhvillohet sërish një bisedë ku mes tyre komunikohet si më poshtë, duke biseduar për fshehjen e dy armëve automatikë kallashnikovi dhe një pistoletë. Mes tyre zhvillohet kjo bisedë si më poshtë vijon:
Gjepali::O Nila… thuje, jetoje atje, nuk jetoj këtu
Nila: ku?
Nila: 950: të mos vijnë për kontroll
Gjepali: hudh vetëm pistoletën
Nila: e hudha
Gjepali: mos e hap derën e barakes atje se ke dy kallashë, hidhi matanë, a dëgjon ti
Nila: po
Gjepali:hodhi mas pulave..ke dy kallashe atje
Nila: hë?
Gjepali: ke dy kallashe atje tek dhoma, sipër këpucëve, hodhi matanë tek…dhe hapi shtëpinë e vjetër, nuk jetoj më atje …jetoj më këtu.
Nila:mirë, hajt
Gjepali: a dëgjon
Nila: po më pyetën për ty, çfarë tu themë
Gjepali: zotria ka ikur deri në Lushnjë..vetëm hedhi dy kallashët, mos e hap shtëpinë e re, as garazhe, asgjë…
Nila: mirë, mirë,
Gjepali: futi tek shtëpia e vjetër…hudhi dy kallashët matanë tek shtëpia e….”./Fjala.al/
