Dy gjysmëfinalet për Kupën e Moshave janë mbyllur ditën e sotme, një për 17-vjeçarët dhe një për 19-vjecarët.
19-vjeçarët e Tiranës kanë fituar me rezultatin 3-0 ndaj skuadrës së Dinamos, duke kaluar kështu në ndeshjen finale.
Për ekipin e drejtuar nga Bledar Devolli ka shënuar Stafa dy gola në minutën e 28-të dhe në atë të 36-të si dhe Elezi në pjesën e dytë të lojës, saktësisht në minutën e 65-të.
Ekipi bardheblu do të përballet në takimin final me skuadrën e Shenkollit, të cilët fituan ndeshjen gjysmëfinale ndaj Vllaznisë me rezultatin 5-4 me penallti, pasi takimi u mbyll me barazimin 0-0.
Ndërsa për 17-vjeçarët në finale ka kaluar Partizani, i cili mundi me rezultatin 2-1 skuadrën e Football Republic dhe sigurojë finale. Për të kuqtë ka shënuar Dezhgiu në minutën e 29-të të lojës dhe po ai në minutën e 63-të. Ndërsa nga skuadra tjetër autor i golit të vetëm ishte Ahmesula.
Në finale Partizani por pret ende të mësojë se kë do ketë përballë skuadrën e Shënkollit apo atë të Vllaznisë, pasi ndeshja e dytë gjysmëfinale nuk është zhvilluar ende./Fjala.al/
