Talenti shqiptar, Dean Liçi është bërë pjesë e skuadrës së Lacios. Ky lajm është konfirmuar nga vetë mesfushori përmes një postimi në “Instagram” , ku ka bërë me dije se tashmë do luajë për skuadrën italiane.
Liçi është bashkuar me grupin e të rinjve të Lacios dhe kjo është një lëvizje shumë e rëndësishme në karrierën e të riut.
Mesfushori ka luajtur më parë dhe me skuadrën e Skënderbeut, me ekipin spanjoll të Leganes B, me të rinjtë e Sportingut në Portugali dhe në fund me atë të Perugias në Itali.
Djali i zv.trajnerit të Skënderbeut, Gentjan Liçi, mund edhe të kalojë me grupin e parë nëse ia del të tregojë veten, pasi drejtori sportiv i Lacios, Igli Tare njihet për thirrjen e talenteve të rinj./Fjala.al/
