Katër persona që ishin kthyer pak ditë më parë nga Kina në Shqipëri përmes Aeroportit “Nënë Tereza”, dyshonin se ishin të prekur me coronavirus.
Ata kishin kërkuar ndihmën e mjekëve në Spitalin Nënë Tereza dhe rezultatet nga testet e kryera kishin dalë negative.
Dy persona kanë rezultuar me grip të thjeshtë, ndërsa dy të tjerët të shëndetshëm. Sipas abcnews, Ministria e Shëndetësisë deklaron se rreziku i mbërritjes së coronavirusit në Shqipëri vazhdon të mbetet i ulët, megjithatë në vend po forcohen masat paraprake.
Në çdo pikë kufitare është ngritur dhoma e posaçme për monitorimin e rasteve të dyshuara ndërsa në Spitalin Infektiv në QSUT dhomat e izolimit janë pajisur me aparaturat respiratore të monitorimit dhe sistemin e gazrave mjekësor.
Trajnimet e strukturave shëndetësore sipas ministrisë po vijojnë ndërkohë që është menduar dhe organizmi i karantinës në rast nevoje./Fjala.al
