Pas publikimit të një foto të kryeministrit Rama dhe Ardian Çapjas, gazetari Artan Hoxha publikoi në “Opinion” edhe një foto të kryeministrit Rama me një tjetër person të njohur të botës së krimit.
Fotoja sipas Hoxhës është bërë në New York dhe se personi në krah Ramës është shumë i njohur në botën e krimit por që ai ende nuk e ka verifikuar për t’i publikuar edhe emrin.
“Po e verifikoj foton dhe është bërë në New York. Prapë një person i botës së krimit.”-tha Hoxha
Ndërkohë ish-drejtuesi i lartë i policisë së shtetit, Erzen Breçani sqaroi për perimetrin e sigurisë kur lëviz kryeministri dhe a lejohen fotot me persona si Ardian Çapja të cilin kanë indicie që mund të jetë përfshirë në ngjarje kriminale.
“Kur lëviz kryeministri ka një axhendë që nuk e ndryshon askush. Po i referohem kësaj fotos në një ambient të mbyllur njerëzit janë të identifikueshëm. Në rast se është në fushatë elektorale çdo qytetar mund të bëjë foto. Kjo foto duket që është me dëshirën e kryeministrit”, tha Breçani.
