Nuk do të kalojë shumë para se të tërhiqem, nuk do të luaj derisa të mbush 38 vjeç
Toni Kroos ka pranuar se nuk e sheh veten duke luajtur futboll edhe për shumë vite. Mesfushori i Real Madrid bëri 30 vjeç në janar dhe ka fituar pothuajse gjithçka që ka për të fituar në lojë, përfshirë katër tituj të Ligës së Kampionëve dhe një Kupë Botërore.
“Unë jam 30 vjeç dhe është një moshë e mirë të mendoj çfarë dua më shumë. Karriera ime nuk do të zgjasë më gjatë. Jam i sigurt që nuk do të luaj deri në moshën 38 vjeç.”-tha ai.
Mesfushori gjerman ka filluar të planifikojë çdo bëjë pas skadimit të kontratës së tij me Real Madrid në 2023-in shkruan “Marca”.
Pavarësisht kënaqësisë që i jep ideja e daljes në pension, Kroos zbuloi se ai është akoma i motivuar për të fituar trofe me “Los Blancos”.
“Ndjenja për të fituar një trofe është problematike. Kjo është arsyeja pse unë jam akoma duke luajtur. Shembulli më i mirë ishte Liga e Kampionëve. Nuk ishte normale ta fitonim atë tri herë me radhë. Ishte ky moment kur kuptuam urinë që kishim brenda ekipit tonë.”-tha ndër të tjera Kroos./Fjala.al/Katerina Tafa/
