Një foshnje e porsalindur është diagnostikuar me koronavirus. Konstatimi erdhi vetëm 30 orë pas lindjes së foshnjës. Fëmija lindi më 2 shkurt në epiqendrën e përhapjes së virusit, në qytetin Wuhan.
Sipas mediave në Kinë nëna e foshnjës ishte e infektuar para të lindte me virusin. Mbetet e paqartë nëse sëmundja u transmetua tek foshnja kurishte në barkun e nënës apo pas lindjes.
“Ky rast na bën t’i kushtojmë vëmendje transmetimit të virusit nga nëna te fëmija”, -u shpreh mjeku kryesor i departamentit të mjekësisë neonatale në Wuhan, Zeng Lingkong. Deri më tani nga koronavirusi kanë vdekur 563 njerëz dhe janë infektuar rreth 28.000 të tjerë.
Ndërkaq bota është në gjendjen e emergjencës globale, të shpallur nga Organizata Ndërkombëtare e Shëndetësisë.
