Një delegacion i Komisionit të Venecias do të mbërrijë në datën 9 shkurt. Delegacioni do të qëndrojë deri më datë 12 shkurt, për t’u takuar me zyrtarë shtetërorë, por edhe mër përfaqësues të medias dhe shoqërisë civile.
Vizita realizohet në kuadër të dhënies së opinionit për dy projektligjet e paketës “Anti Shpifje” dhe që lidhen me AKEP dhe AMA.
Në program është parashikuar që delegacioni të pritet në një takim nga kryetari i Grupit Parlamentar i Partisë Socialiste, Taulant Balla, dhe një përfaqësi e grupit, ditën e hënë, më datë 10 shkurt, në orarin 10:05-10:45, tek salla e Komisionit të Ligjeve, kryesia e Kuvendit.
Paketa “Anti Shpifje” është kundërshtuar ashpër nga organizatat e gazetarëve në Shqipëri dhe nga organizatat ndërkombëtare. Mazhoranca socialiste vendosi të pezullojë përkohësisht miratimin pasi Këshilli i Evropës kërkoi që paketa të shqyrtohet nga Komisioni i Venecias.
