Në vijim të operacioneve për të kapur personat e përfshirë në pengmarrjen dhe vrasjes së 49-vjeçarit Jan Prenga, RENEA ka zbarkuar mëngjesin e sotëm në qytetin e Lezhës.
Forcat RENEA janë duke bërë kontrolle të shumta në Lezhë, i cili është qyteti i radhës pas atij të Shijakut dhe Shkodrës, ku dyshohet se ka persona të implikuar për pengmarrjen dhe vrasjen e 17 janarit të 2019.
Jan Prenga u rrëmbye dhe më pas mbeti i vdekur, për shkak të konflikteve të vëllait të tij në Angli, i cili mbajti peng sasinë prej 300 kg kokainë, ndërkohë që ajo i përkiste një shqiptari të burgosur në Ekuador, Dritan Rexhepajt nga Vlora.
Gjithashtu, RENEA vijon kërkimet për trupin e Jan Prengës, i cili deri më sot nuk është gjetur. Për këtë arsye, policia është duke kryer kontrolle edhe në Lezhë pasi kërkimet në Shijak nuk kanë dhënë rezultat.
