Lajmi për vdekjene Michael Jackson në 25 qershor të vitit 2009, tronditi botën, ai nuk kishte vetëm fansa të çmendur në gjithë globin, por edhe njerëz që janë sëmur pas vdekjes së tij. Raporti i autopsisë që u lëshua në 28 gusht 2009, sipas “The Mirror”, arriti në përfundimin se vdekja e Jackon ishte vrasje.
Mjeku i tij, Conrad Murray u dënua për vrasje të pavullnetshme dhe vuajti 2 vjet nga dënimi me 4 vite, për sjellje të mirë. Autopsia e tij zbuloi gjera që fansat nuk i dinin më parë.Ai kishte gjithashtu artrit dhe dëmtim të mushkërive. Pas vdekjes së tij, Michael la pas tre fëmijëve të tij, Parisin, Michael Joseph Junior dhe Prince.
Ylli i popit kishte shenja të shumta shpimesh në krahët e tij, kishte një numër tatuazhesh që Michael i kishte mbajtur të fshehta, si buzët në ngjyrë rozë, vetullat si dhe një tatuazh të errët në pjesën e sipërme të kokës me qëllimin për të maskuar më mirë parukën që ai përdorte.Flokët e tij të mbetura përshkruheshin në autopsi si të shkurtra dhe kaçurrela të ashpra.
U raportua gjithashtu edhe për dëmtimet që ai kishte pësuar, ndërsa mjekët u përpoqën t’i shpëtonin jetën në mënyrë të dëshpëruar. Ai kishte disa brinjë të krisura, ndërsa mjekët u përpoqën ta mbanin në jetë duke i bërë masazh kardiak.
