Liderët e Ballkanit Perëndimor do të zhvillojnë një takim informal me liderët e Bashkimit Evropian më 16 shkurt. Takimi do të zhvillohet një ditë përpara konferencës së donatorëve që do të zhvillohet për të mbledhur fonde për Shqipërinë, për dëmet e shkaktuara nga tërmeti i 26 nëntorit.
Kryeministrat e shteteve të Ballkanit do të takohen me presidenten e Komisionit Evropian, Ursula von der Leyen dhe presidentin e Këshillit Evropian, Charles Michel.
Ky është takimi i parë që zhvillohet pas publikimit të metodologjisë së re të zgjerimit.
