Mjeshtri restaurator Frederik Stamati është i papërtuar në punën e tij. Së fundi ai thotë se ka filluar të merret me restaurimit e radhës, atë të flamurit të bandës “Vatra”, e cila është dhe banda më e famshme në Shqipëri
“Te nderuar miq!
Filloi puna për restaurimin e flamurit të Bandës “Vatra”, bandës me të famshme në Shqipëri. Flamuri i është dhuruar bandës nga shoqëria drenovare BASHKIMI në vitin 1918 .
Me 2 prill 1920 banda erdhi ne Shqipëri se bashku me Trupin vullnetar, me kërkesë të kryeministrit të Shqipërisë Sulejman Delvina dhe mori pjesë në ngjarjet për çlirimin e Shqipërisë.
Tani jemi në fazën e studimit te gjendjes së flamurit, në mënyrë që të dimë se si të ndërhyjmë.
Përpjekjet tona do te jene qe me 2 prill, me rastin e 100 vjetorit të ardhjes se bandës në Shqipëri, flamuri te jete ne gjendje për t’u ekspozuar”, shkruan Frederik Stamati në Facebook, ku ka postuar njëherazi dhe fotografinë.
