Policia e shtetit ka bërë një njoftim ku shprehet se ka bërë të mundur sekuestrimin e disa automjeteve të blinduara të shtetasve me precedent penale.
Dashamir Gjoka, i dënuar në Itali për “trafikim të qenieve njerëzore”.
Saimir Tallau, i dënuar për “prodhim dhe shitje të narkotikeve”.
Durim Bami, i dënuar për veprën penale “vjedhje me armë”.
Në vijim të Operacionit Forca e Ligjit, në zbatim të ligjit special për masat pasurore ndaj individëve të dënuar apo akuzuar për krim të organizuar, Drejtori i Përgjithshëm i Policisë së Shtetit, në bazë të nenit 19 të Aktit Normativ nr. 1, datë 31.01.2020, nxori urdhrat e sekuestrimit në kushtet e emergjencës për disa automjete të blinduara, të cilat u sekuestruan gjatë operacionit.
Automjetet e sekuestruara janë në pronësi të shtetasve:
- T., banues në Lushnjë, i dënuar për veprën penale “Prodhimi dhe shitja e narkotikëve”;
- Gj., banues në Durrës, i dënuar në Itali për trafik të qenieve njerëzore;
- B., banues në Krujë, i dënuar për veprën penale “Vjedhja me armë”;
Operacioni vijon dhe OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
