Prej kohësh ishte në kërkim nga policia e Foggias 51- vjeçari dhe më në fund ka rënë në prangat e policisë. Ai i kishte shpëtuar një operacioni policor dhe konsiderohej si një trafikant I rrezikshëm droge.
Sipas mediave italiane, shqiptari ishte shpallur në kërkim nga autoritetet italiane që nga janari i 2020. Ne atë kohë, kur u arrestuan 22 anëtarë të një grupi kriminal italo-shqiptarë që trafikonte drogë e armë në territorin e Puglias ai i shpëtoi operacionit të antidrogës.
Pas kërkimesh policia e lokalizoi atë në një fermë në jug të Foggias. Kur policia i shkoi afër ai tentoi sërish të arratisej duke u fshehur në çatinë e ndërtesës ku banonte i fshehur.
Por, pas ndjekjes u arrestua. Mbi të rëndojnë akuzat e trafikut të marijuanës, kokainës, heroinës e hashashit si dhe anëtar i një grupi kriminal me veprim në Andria, Barletta, Foggia, Cerignola e pothuajse në të gjithë territorin verior në provincën e Barit.
