Hornsgatan është një lagje në Stokholm të Suedisë, që konsiderohet si zona më e ndotur e kryeqytetit. Por nëse bën një kontroll të shpejtë në internet, cilësia e ajrit në Hornsgatan rezulton ‘e mirë’, me një shkallë vlerësimi nga 36-42. Gjithsesi, sërish cilësia e ajrit është më e keqe se në pjesë të tjera të Stokholmit, ku cilësia varjon te 20-25 (Sa më i ulët numri, aq më pak ndotje ka).
E pavarësisht kësaj, autoritetet lokale kanë marrë së fundmi vendimin për të ndaluar në Hornsgatan qarkullimin e çdo automjeti të vjetër me naftë dhe benzinë. Vendimi pason një më të mëparshëm, ku u ndalua kalimi i çdo makine që përdor goma dimri të një cilësie jo të mirë. Autoritetet thonë se këto masa merren për të ulur ndotjen në ajër dhe për të bërë të mundur plotësimin e standardeve ndërkombëtare.
Por ndonëse suedezët janë alarmuar përse një lagje në kryeqytetin e tyre po i afrohet shkallës “e moderuar” në cilësinë e ajrit (duhet të kalojë numrin 50), në Tiranë cilësia e ajrit konsiderohet në disa aplikacione si “e pashëndetshme” me një shkallë vlerësimi që varjon midis 100-150.
This is Hornsgatan in Stockholm. It’s very polluted, which is why it recently became Sweden’s first street to ban older petrol and diesel cars from driving there. This is in addition to a previous ban on studded winter tyres. Here’s to a greener future! ?
Photo: Jann Lipka pic.twitter.com/WRYPECxDrX— Sweden.se (@swedense) February 8, 2020
