Tronditet Franca. Një ngjarje e rëndë është shënuar në një hotel ku një çeçen, i njohur në gjithë botën për qëndrimin e tij kundër Putin dhe liderit çeçen Ramazan Kadyrov, u gjend i vrarë me thikë në dhomën e hotelit. I marrë në mbrojtje nga Belgjika, ai ka udhëtuar nga Belgjika në Francë dhe atje dyshohet se e ka vrarë miku i tij me të cilin ka ndarë dhomën e hotelit.
Mediat franceze bënë të ditur se blogeri anti-Putin, Imran Aliev është vrarë në një hotel në Francë. 44-vjeçari kishte kundërshtuar me zë Vladimir Putin dhe liderin çeçen, Ramazan Kadyrov. Mediet ndërkombëtare raportojnë se policia franceze beson se vrasja e Aliev është e motivuar politikisht. Policia franceze dyshon për mikun e viktimës, i cili është zhdukur menjëherë pas vrasjes. Të dy ata kishin udhëtuar së bashku nga Belgjika në Francë, ku ishin akomoduar në hotel.
Menaxheri i hotelit ka shkuar për të kontrolluar të ftuarit, por ka gjetur trupin e pajetë të blogerit. Në vendin e ngjarjes është gjetur edhe një thikë, e cila është dërguar në laboratorin mjekësisë ligjore për analiza. Në Belgjikë, blogeri Aliev ishte nën mbrojtjen e policisë për shkak të kërcënimeve nga Rusia dhe Çeçenia për sulmin e tij ndaj opozitës. Një zyrtar i lartë i policisë franceze bëri me dije se Franca ende nuk ka kontaktuar me Rusinë për këtë ngjarje.
Kush ishte Imran Aliev?
Aliev ishte me origjinë nga Çeçenia. Ky rajon që ka parë dy luftëra brutale për pavarësi në dekadat e fundit, është kontrolluar nga Kadyrov që nga viti 2007 me miratimin e Moskës. Ai postonte shpesh herë video në Youtube që ishin kritike për qeverinë çeçene. Vrasja e tij është vdekja e fundit që ngjall shqetësime të shumta për një skuadër vrasësish rus që thuhet se po qarkullon në Evropë. Kjo frikë është bërë më e mprehtë që nga tentativa për të vrarë Sergei dhe Yulia Skripal në Angli. Në mënyrë të ngjashme është vrarë edhe komandanti rebel çeçen, Zelimkhan Khangoshvili, i cili u qëllua për vdekje në mes të një parku në Berlin. n.k/Fjala.al/
