Në një kohë kur vijon aksioni “Anti KÇK” i “Operacioni Forca e Ligjit”, në tre komisariate janë bërë lëvizje të drejtuesve. Drejtori i Përgjithshëm i Policisë së Shtetit, Ardi Veliu, i cili u konfirmua së fundmi në detyrë nga Komisioni i Jashtëm i Vlerësimit, ka ndryshuar shefat e Lezhës, Kukësit dhe Tropojës.
Në Lezhë është emëruar në krye të policisë Nik Nikolla, i cili deri më tani mbante postin drejtues në Tropojë. Ai do të zëvendësohet në Tropojë nga Arian Dumi. Ndërkohë, Agron Kurti, i cili drejtonte komisariatin e Lezhës, është transferuar në krye të policisë së Kukësit.
Në Kukës, Kurti zëvendëson Arben Kalanë, i cili është emëruar në Drejtorinë e Përgjithshme të Policisë.
