Derbi i zhvilluar mbrëmjen e djeshme midis Paris Saint Germain dhe Olympique Lyon është më i rëndësishmi i futbollit francez.
Rezultati i këtij takimi ka qenë 4-2 për kampionët në fuqi të Francës, ku një nga shënimet ishte autogol.
Minuta e 47-të e lojës ishte dhe momenti më i veçantë i këtij takimi , kur mbrojtësi i majtë i Olympique Lyon, Fernando Marcal shënoi në portën e tij.
Aksioni i bërë nga Julian Draxler , i cili ktheu topin në zonë, që u largua nga Rafael fillimisht, por Draxler e riktheu përsëri në zonë topin, të cilin në tentim për ta larguar fuqishëm Marcal e dërgoi në portën e tij.
Autogoli i brazilianit ka bërë xhiron e rrjetit, duke u konsideruar si më i bukur i shënuar ndonjëherë.
30-vjeçari e përjetoi shumë rëndë këtë autogol dhe pas nëntë minutash lojë u zëvendësua nga trajneri Rudi Garcia./Fjala.al/
