Mediet italiane kanë folur në lidhje me një rast të rëndë ku një shqiptar, 24 vjeç ka tentuar të dhunojë seksualisht një vajzë në një disko në zonën e Ravenës. Ngjarja e rëndë është bërë menjëherë e ditur për policinë e cila e ka vënë në pranga shqiptarin duke siguruar edhe dëshminë e vajzës. Sipas të dhënave që janë publikuar në mediet lokale thuhet se vajza ka patur shenja të dukshme dhune në fytyrë dhe në pjesë të trupit teksa djali shqiptar ka tentuar të abuzojë pa dëshirën e saj. Djali është arrestuar dhe është vënë nën një akuzë të rëndë që lidhet me abuzim dhe dhunë seksuale ndaj një gruaje ndërkohë që polici ka sekuestruar edhe pamjet e lokalit në të cilin ka ndodhur ngjarja.
Mediat italiane shkruajnë se episodi ndodhi gjatë fundjavës së kaluar, konkretisht midis të shtunës dhe të dielës. I riu vëzhgoi vajzën brenda një prej diskove më të njohura të bregdetit të Ravennas. Për këtë arsye, 24-vjeçari iu afrua asaj menjëherë duke provuar një mundësi. Sidoqoftë, vajzës së re nuk i ka pëlqyer këmbëngulja e të huajit dhe e ka refuzuar. Më pas ajo ka tentuar të largohet. Megjithatë i riu shqiptar thuhet se nuk e ka pranuar refuzimin e për pasojë vajza ka ikur jashtë. Më pas djali e ka ndjekur duke e zënë në ambientet e jashtme të lokalit, më saktë në pjesën e garazhit. Atje edhe e ka dhunuar. Mediet saktësojnë se ka qenë ora diku rreth 03.00 dhe vajza ka qenë e frikësuar pasi nuk ka patur asnjë mbrojtje deri në momentin që ka ulëritur.
Në terror, vajza megjithatë gjeti forcën për të rezistuar dhe për këtë arsye ajo u sulmua në mënyrë barbare nga shqiptari. Thirrjet e dëshpëruara të 21-vjeçares alarmuan pjesëtarët e tjerë të klubit të natës, të cilët telefonuan policinë. Fillimisht ndërhyri stafi i sigurimit të diskos dhe më pas mbërriti policia. Karabinierët pas dëgjuan historinë e viktimës dhe dëshmitarëve, prangosën 24-vjeçarin dhe e çuan në komisariat për identifikim.n.k/Fjala.al/
