Donald Trump ka kërcënuar hapur botën se nëse Rusia dhe Kina nuk nënshkruajnë marrëveshjen për reduktimin e armëve bërthamore, atëherë SHBA do të krijojë armën bërthamore më të fuqishme në planet.
Duke folur për buxhetin e SHBA-ve në ushtri, Trump theksoi se Rusia dhe Kina duhet të ndalojnë shpenzimet në miliarda e miliarda dollarë për fuqizimin me armë bërthamore.
Deri në arritjen e një marrëveshje me këto vende, SHBA sipas tij do të krijojë armën më të fuqishme në planet përmes energjisë bërthamore.
“Për momentin Rusia dhe Kina duan të negociojnë me ne. Por, në të njëjtën kohë, ata duhet të ndalin shpenzimet në miliarda dhe miliarda dollarë për armët bërthamore. Sidoqoftë, derisa të arrijmë një marrëveshje të tillë, e vetmja gjë që mund të bëj është krijimi i energjisë bërthamore më të fuqishme në botë”, tha ai.
Sipas tij, Amerikës i duhen raketa super të shpejta pasi Moska po i zotëron armë të tilla. Trump vuri në dukje se pala ruse ka qenë e aftë të merrte informacion mbi teknologjitë e duhura nga lidershipi i mëparshëm amerikan.
Traktati i frenimit të armatimit bërthamor (START-3) skadon më 5 shkurt 2021. Ndërsa ende nuk është arritur ndonjë marrëveshje konkrete se kur mund të fillojnë bisedimet, ndërsa Këshilltari i Sigurisë Kombëtare i SHBA-ve, Robert O’Brien ka njoftuar se Uashingtoni mund nisë “së shpejti” negociatat./Fjala.al/