Albin Kurti ka zgjedhur takimin me Lulzim Bashën për të kritikuar hapur Edi Ramën. Ai vuri në dukje se shqiptarët janë më të varfrit jo vetëm në rajon, por edhe më gjerë. Kryeministri i Kosovës përmendi edhe nivelin e lartë të papunësisë.
“Unë pata takim të përzemërt e konstruktiv me Kryetarin e PD, me liderin e opozitës zotin Lulzim Basha. Pozitë opozitë në të dy anët e kufirit, Kuvend dhe qeveri do të bashkëpunojmë në mënyrë që Kosova dhe Shqipëria të jenë në nivel të detyrës, jo vetëm zyrtare por edhe historike për qytetarët tanë, të cilët siç e dinë janë edhe me varfërinë më të madhe, edhe me papunësinë më të madhe jo vetëm në rajonin tonë. Pra, është obligim i yni si politikanë kudo që jemi, tërë kohën të jemi në shërbim të qytetarëve edhe të Kosovës, edhe të Shqipërisë, për të ngritur dinjitetin dhe mirëqenien e tyre”, u shpreh Kurti pas takimit me kreun e opozitës shqiptare.
Ndonëse takimi në Pallatin e Brigadave zgjati më shumë se ç’ishte planifikuar, konferenca e përbashkët Rama-Kurti ishte e shkurtër dhe e përqëndruar kryesisht te ndasitë për “shengenin ballkanik”.
Meta, Ruçi dhe Basha elozhe Kurtit: Mund të jesh shembull i mirëqeverisjes
