Kryeministri i Kosovës, Albin Kurti ka marrë vendimin për t’i ulur rrogën vetes dhe ministrave të Qeverisë. Sot është shfuqizuar vendimi i qeverisë së Ramush Haradinajt, i marrë në fund të 2017-ës, për rritjen e pagave.
“Ky vendim hyn në fuqi nga data e nënshkrimit dhe ftoj ministrinë e Financave dhe Transfereve”, u shpreh Kurti.
Në 2017-ës, Qeveria e kaluar kishte vendosur për rritje të pagave me 100%. Paga e kryeministrit u rrit nga 1500 euro në 2950 euro. Vendimi shkaktoi në atë kohë shumë debate në Kosovë.
