Kryeministri Edi Rama u dha përgjigje akuzave se ditën që u arrestuar Vladimir Gjuta, u largua nga selia e PS-së me makinën e blinduar të vëllait të tij Olsi Rama.
Rama ka zgjedhur që me të njëjtën makinë, tip “Lincoln” të shkojë në ambientet e televizionit Klan.
I pyetur për këtë gjë nga gazetari Blendi Fevziu, në emisionin “Opinion”, Rama i sfidoi duke thënë se mund të shkojnë ta kontrollojnë nëse është e blinduar apo jo.
“Makina është që në vitin 2009, ma ka sjellë im vëlla kur kamqenë në opozitë, nuk është e blinduar. Ka dalë një lajm që kam blerë makinë të re qindra mijëra euro, në fakt kam çuar në servis makinën që ishte copë-copë dhe kam marrë makinë me qira. Unë përdor atë makinë se nuk kam dashur t’i kushtojë para, se nuk jam as i dhënë pas makinave. I them këto se audienca është e mbushur me gënjeshtra. Unë nuk kam asnjë makinë të blerë si kryeministrër. Makina që thonë se është Benz i ri me raketa brenda, është me qira që ta jep servisi”, u shpreh Rama.
