Elton Haxhi zv.ministri i Ekonomisë në qeverinë Rama ka dhënë dorëheqjen. Kjo dorëheqje vjen pasi Ministria e Financave humbi betejën me kompaninë Albania Duty Free Distribution në aeroportin “Nënë Tereza”, gjë që shkaktoi reagime të shumta edhe në nivel ndërkombëtar.
Haxhi u emërua Zëvendësministër i Financave dhe Ekonomise në tetor 2017 dhe ka qenë përgjegjës për sektorin e të ardhurave fiskale, kontabilitetin, auditimin, kontrollin financiar.
Ish-zv-ministri Haxhi gjithashtu ishte drejtues i procesit të “screening” për hapjen e negociatave me Bashkimin Evropian për kapitujt që lidhen me tatimet, doganat, ligjin e shoqërive tregtare, kontabilitetin, auditimin dhe kontrollin financiar.
Pak kohë përpara tij u dorëhoq nga i njëjti pozicion edhe zv.ministri Erjon Ruçi.
Ndërkaq ish-ministri Elton Haxhi ka një eksperiencë profesionale mbi 24 vjeçare në fushat e auditimit, raportimit financiar, taksave, dhe drejtimit financiar. Gjithashtu ai ka qenë i angazhuar në pozicione drejtuese për më shumë se 7 vjet me Ernst&Young Albania dhe KPMG Rusi.
Përpara emërimit si zëvendësministër, ai ka qenë drejtuesi kryesor i shoqërisë së auditimit Baker Tilly Albania, ndër 10 kompanitë e auditimit më të mëdha në botë.
Ndërkohë, Haxhi është shprehur se e ka dhënë dorëheqjen pasi i ka mbaruar mandati.
