Koronavirusi vazhdon të vrasë. Dita e djeshme është cilësuar si dita më vdekjeprurëse, që nga shpërthimi i koronavirusit, duke e çuar numrin total të viktimave mbi 1.350 persona. Vetëm dje vdiqën rreth 242 persona si pasojë e koronavirusit. Të gjitha rastet u regjistruan në provincën kineze Hubei, raporton BBC.
Gjithashtu ka pasur një rritje të madhe të numrit të rasteve, me 14.840 njerëz të diagnostikuar me virus.
Para ditës së djeshme numri i njerëzve të diagnostikuar në Hubei – aty ku u shfaq shpërthimi – ishte duke u stabilizuar.
Megjithatë, rastet e reja dhe vdekjet në këtë provincë e kanë çuar numrin total te vdekjeve mbi 1.350 – me gati 60,000 te infektuar gjithsej.
Që nga shpërthimi i virusit deri më tani janë shkarkuar një sërë zyrtarësh të shëndetësisë dhe funksionarë politikë e policorë.
